- ເຫລັກຄົດເອົາໄວ້ເຮັດຂໍ ເຫລັກງໍເອົາໄວ້ເຮັດກ່ຽວ ຄົນຄົດລ້ຽວເອົາໄວ້ບໍ່ດີ
- ຄົນບໍ່ອອກຈາກບ້ານບໍ່ເຫັນດ່ານແດນໄກ ຄົນບໍ່ໄປຫາຮຽນຍ່ອມບໍ່ມີຄວາມຮູ້
- ເງີນເຕັມພາ ບໍ່ທໍ່ຜະຫຍາເຕັມປູມ
- ໄປຢຽບຫມາ ມາຢຽບຂຽດ
- ຢູ່ໃຫ້ເພີ່ນວ່າດີ ຫນີໃຫ້ເພີ່ນຄິດຮອດ
- ເພີ່ນບໍ່ເອີ້ນຢ່າຂານ ເພີ່ນບໍ່ວານຢ່າຊ່ວຍ
- ຂອງກິນບໍ່ກິນມັນເນົ່າ ຂອງເກົ່າບໍ່ເລົ່າມັນລືມ
- ເພື່ອນກິນຫາງ່າຍ ເພື່ອນຕາຍຫາຍາກ
- ເກົ້າອົດເກົ້າເຍື້ອນ ຫາກສິໄດ້ທ່ອນຄຳ
- ຄວາມພະຍາຍາມຢູ່ບ່ອນໃດ ຄວາມສຳເລັດຢູ່ບ່ອນນັ້ນ
- ໄລຍະທາງພິສູດມ້າ ການເວລາພິສູດຄົນ
- ຮຽນແລ້ວຮຽນອີກ ຮຽນເລື້ອຍໆໄປ
- ຮົ້ວຫລາຍຫລັກຈຶ່ງຫມັ້ນ ພີ່ນ້ອງຫລາຍຊັ້ນຈຶ່ງດີ
- ແກ້ວບໍ່ຜັດສາມປີເປັນແຮ່ ພີ່ນ້ອງບໍ່ແວ່ສາມປີກາຍເປັນອື່ນ
- ຄວາມສາມັກຄີ ຄືບໍ່ເກີດຂອງຄວາມສຳເລັດ
- ຮັກຊາດໃຫ້ຫມັ່ນສຶກສາ ຮັກສາດສະຫນາໃຫ້ຫມັ່ນທຳຄວາມດີ
- ຮຽນຫນັງສື ແມ່ນຮັກຊາດ
- ພາສາບອກຊາດ ມາລະຍາດບອກຕະກຸນ
- ຢ່າໄວ້ໃຈທາງ ຢ່າວາງໃຈຄົນ ມັນສິຈົນໃຈໂຕ
- ໄມ້ລຳດຽວອ້ອມຮົ້ວບໍ່ໄຂ່ວ ໄພ່ບໍ່ພ້ອມແປງບ້ານບໍ່ເຮືອງ
- ປາໂຕດຽວ ເນົ່າເຫມັນຫມົດຂ້ອງ
- ເຂົ້າເພີ່ນຂາວ ເພາະລູກສາວເພີ່ນງາມ
- ນາດີຍ້ອນຝຸ່ນ ບ້ານອົບອຸ່ນຍ້ອນຜູ້ສາວຫລາຍ
- ໄກ່ງາມຍ້ອນຂົນ ຄົນງາມຍ້ອນແຕ່ງ
- ຢາກຮູ້ໃຫ້ຖາມ ຢາກງາມໃຫ້ແຕ່ງ
- ສາວງາມນາມຄ່ອງ ສາວຈອງຫອງມີແຕ່ຄົນຊັງ
- ບ່າວງາມນາມຄ່ອງ ບ່າວຈອງຫອງມີແຕ່ຄົນຊັງ
- ຄົບເພື່ອນດີມີສີແກ່ຕົວ ຄົບເພື່ອນຊົ່ວພາຕົວຫມົ່ນຫມອງ
- ໂຮມກັນເຮົາຢູ່ ແຍກຫມູ່ເຮົາຕາຍ
- ຫລົງທາງເສຍເວລາ ຫລົງຕິດຢາເສຍອະນາຄົດ
- ສິບປາກເວົ້າ ບໍ່ເທົ່າຕາເຫັນ
- ກຳຂີ້ ດີກ່ວາກຳຕົດ
- ນາດີຍ້ອນກ້າ ຟ້າເຂົ້າຍ້ອນຫີນຊາ
- ຊື່ກິນບໍ່ຫມົດ ຄົດກິນບໍ່ນານ
- ກົບຕາຍຍ້ອນປາກ ຄັນຄາກຕາຍຍ້ອນສຽງ
- ບຸນຄຸນພໍ່ແມ່ນີ້ ຫນັກກ່ວາແຜ່ນທໍລະນີ
- ບຸນຄຸນພໍ່ທໍ່ພູເຂົາກ້າ ບຸນຄຸນແມ່ທໍ່ຟ້າກັບແຜ່ນດີນ
- ຊີ້ນໄປປາມາ ເພື່ອຮັກສາຄວາມສາມັກຄີ
- ຄວາມປະຫມາດ ຄືຫົນທາງແຫ່ງຄວາມຕາຍ
- ກິນເຂົ້າ ຢ່າລືມບຸນຄຸນຄວາຍ
- ນາດີຖາມຫາເຂົ້າປູກ ລູກດີຖາມຫາພໍ່ແມ່
- ຫນູກັດຜ້າຈຶ່ງຮູ້ຄຸນແມວ ລູກແຂນແອວຈຶ່ງຮູ້ຄຸນພໍ່ແມ່
- ຮັກງົວໃຫ້ຜູກ ຮັກລູກໃຫ້ຕີ (ສັ່ງສອນ)
- ຄວາມກະຕັນຍູ ເປັນເຄື່ອງຫມາຍຂອງຄົນດີ
- ລູກເວົ້າຢາກ ພໍ່ແມ່ປາກປຽກ
- ສິຖົ່ມນ້ຳລາຍ ໃຫ້ຫລຽວເບີ່ງປ່ອງ ສິນັ່ງຢ່ອງຢໍ້ໃຫ້ຫລຽວເບີ່ງວ່າງຂາ
- ໃຫ້ຕື່ນເດິກຄືກາ ໃຫ້ຫາກິນຄືໄກ່
- ຮີດຄອງລາວ ເກົ້າຜົມບ່ຽງແພ ເຂົ້າວັດຟັງທຳ
- ສັດສີ່ຕີນຍັງຮູ້ພາດ ນັກປາດຍັງຮູ້ຫລົງລືມ
- ໄວປາກເສຍສິນ ໄວຕີນຕົກກົກໄມ້
- ໃຈຮ້າຍເປັນຜີ ໃຈດີເປັນພຣະເຈົ້າ
- ກິນໃນເຮືອນ ຂີ້ໃສ່ເທິງຫລັງຄາ (ມັນບໍ່ດີ)
- ເຂົ້າເມືອງຕາລິ່ວ ໃຫ້ລິ່ວຕາຕາມ
- ອົດສົ້ມໄວ້ກິນຫວານ ອົດທົນທານວຽກງານຈຶ່ງແລ້ວ
- ແສງສະຫວ່າງຮຸ່ງແຈ້ງ ພົ້ນພຸ່ງໃນນະພາຍັງບໍ່ທໍ່ປັນຍາ
ຂອງຄົນຜູ້ສະຫລາດ
- ສິບສະຫລຶງຢູ່ຟາກນ້ຳ ຢ່າໄດ້ອ່າວຄະນືງຫາ ສອງສະຫລຶງຢູ່ໃນມື ໃຫ້ຮີບໂຮມເອົາໄວ້
- ເບິ່ງຊ້າງໃຫ້ເບິ່ງຫາງ ເບິ່ງນາງໃຫ້ເບິ່ງແມ່ ຖ້າຢາກໃຫ້ຄັກແທ້ໆ ຕ້ອງເບິ່ງຮອດເຊື້ອເຜົ່າພົງພັນ
- ເບິ່ງວັດໃຫ້ເບິ່ງຖານ ເບິ່ງສົມພານ ໃຫ້ເບິ່ງຈົ໋ວນ້ອຍ
- ນ້ຳຂຶ້ນ ໃຫ້ຮີບຕັກ (ໂອກາດມາ ໃຫ້ຮີບຄ້ວາ)
- ຫນ້າໄຫວ້ ຫລັງຫລອກ (ມັນບໍ່ດີ)
- ອາຍຄູບໍ່ໄດ້ຄວາມຮູ້ ອາຍຊູ້ບໍ່ໄດ້ນອນນຳ
- ໄປມາລາໄຫວ້ (ມາລະຍາດດີ ຄົນນັບຖື)
- ເຮັດຢ່າງເພິ່ນ ແຕ່ຢ່າເຮັດຄືເພິ່ນ (ທຸກຢ່າງ)
- ຕົກຫມູ່ແຮ້ງເປັນແຮ້ງ ຕົກຫມູ່ກາເປັນກາ
- ໄຫໃຫຍ່ລົ້ນ ໄຫນ້ອຍບໍ່ເຕັມ
- ກິນຫລາຍທ້ອງແຕກ ແບກຫລາຍຫລັງຫັກ
- ເມືອງລາວ ສວຍງາມຮັ່ງມີ
- ປູກພືດຫວັງຜົນ ເກີດເປັນຄົນ ຕ້ອງສືກສາຫາຄວາມຮູ້
- ນັກຮຽນດີ ມີສີແກ່ຊາດ ນັກຮຽນສະຫລາດ ພາຊາດຈະເລີນ
- ຢາກກິນຫລາຍໄດ້ກິນທໍ່ກ້ອຍ ຢາກກິນຫນ້ອຍໄດ້ກິນທໍ່ໂປ້ມື
- ເດັກໃນວັນນີ້ ຄືຜູ້ໃຫຍ່ໃນວັນຫນ້າ
- ຄູຄື ແມ່ພີມຂອງຊາດ
- ຊາວນາຄື ກະດູກສັນຫລັງຂອງຊາດ
- ເຫັນວ່າຜັກຫອມຫ້ຽນ ແຄມສວນຢ່າຟ້າວຢ່ຳ ບາດວ່າມັນພໍຝຸ່ນນ້ຳ ມັນສິປີ້ນປົ່ງໃບ
- ພໍ່ແມ່ ຄື ພຣະພຣົມຂອງລູກ
- ພໍ່ແມ່ ຮັກແລະຫ່ວງລູກສະເຫມີ
- ລູກບໍ່ຟັງຄວາມພໍ່ແມ່ ຜີແກ່ເຂົ້າຫມໍ້ນະຮົກ
- ເຫັນເງິນຫນ້າດຳ ເຫັນຄຳຫນ້າແລ້
- ຮຽນໃຫ້ສຸດ ຂຸດໃຫ້ເຖິງ ເບິ່ງໃຫ້ຄັກໆ
- ກວາງກິນຫມາກຂາມປ້ອມ ພັດໄປຄາກົ້ນລະມັ່ງ ລະມັ່ງຂີ້ບໍ່ໄດ້ ສາມມື້ກະຕ່າຍຕາຍ
- ຊາດທີ່ເປັນຄົນນີ້ ໃຫ້ທຳພຽນຄືນົກເຈົ່າ ບາດວ່າບິນເພັ່ນພ້າຍ ຈຶ່ງຂາວແຈ້ງດັ່ງນົກຍາງ
- ເຫັນຊ້າງຂີ້ ແຕ່ຢ່າຂີ້ຕາມຊ້າງ
- ຕິນາຍ ໄດ້ພາຍຖົງຫນີ
- ຢ່າແກ່ໄມ້ທາງປາຍ (ມັນລໍາບາກ)
- ລູກຫລານບໍ່ຟັງຄວາມຜູ້ເຖົ້າ ຜີເປົ້າຈະກິນຕັບກິນໄຕ
- ຢູ່ຄົນດຽວໃຫ້ລະວັງຄວາມຄິດ ຢູ່ຮ່ວມມິດໃຫ້ລະວັງວາຈາ
- ຝົນສິຕົກຟ້າແຈ້ງ ຝົນສິແລ້ງ ຟ້າມືດຟ້າມົວ ຜົວສິຫນີ ຢ່າຕີລູກຕີເຕົ້າ
- ຢູ່ບ້ານເພີ່ນ ຢ່ານິ້ງດູດາຍ ປັ້ນງົວປັ້ນຄວາຍໃຫ້ລູກເພີ່ນຫລີີ້ນ
- ຕົ້ົນໄມ້ໄກ້ຝັ່ງ ບໍ່ດົນກໍພຸພັງ (ດູແລໃຫ້ດີໆ)
- ນຸ່ງຜ້າລາຍຫມາເຫົ່າ ເວົ້າຄວາມເກົ່າຜິດກັນ
- ແຄບທີ່ຢູ່ໄດ້ ແຄບໃຈຢູ່ຍາກ
- ຍິງສາມຜົວ ເຈົ້າຫົວສາມວັດບໍ່ດີ
- ຈິດເປັນນາຍ ກາຍເປັນບ່າວ
- ຄວາມຮູ້ຖ້ວມຫົວ ເອົາຕົວບໍ່ລອດ (ມັນອັນຕະລາຍ)
- ມັກງ່າຍໄດ້ຍາກ ມັກລຳບາກໄດ້ດີ
- ເຮັດນາຢ່າແພງກ້າ ໄປຄ້າຢ່າແພງທຶນ
- ເອົາຫູໄປນາ ເອົາຕາໄປໄຮ່ (ມັນບໍ່ດີ)
- ນ້ຳເພີ່ງເຮືອ ເສືອເພີ່ງປ່າ
- ໄປປ່າຢ່າເວົ້າເລື່ອງເສືອ ຂີ່ເຮືອຢ່າເວົ້າເລື່ອງແຂ້
- ເງິນເຕັມຖົງຢ່າໄດ້ອົ່ງອວດອ້າງ ຜູ້ເພິ່ນກວ້າງ ມີມາກກ່ວາໂຕ
- ໃຈໂມໂຫພາໂຕມັກມາກ ປາກໄປກ່ອນມັນບໍ່ເປັນທຳ
- ກິນຢູ່ກັບປາກ ຢາກຢູ່ກັບທ້ອງ ທຽວຂີ້ພັດແມ່ນຂາ
- ຢ່າເສວະນາກັບຄົນຊົ່ວ ຢ່າມົ້ວອະບາຍຍະມຸກ ຢ່າຊີງສຸກກ່ອນຫ່າມ ຢ່າຖາມໂດຍບໍ່ຄິດ ບັນດິດເຂົາບໍ່ສັນສັນລະເສີນ
- ຍິງຮູບຮ້າຍຄອງວັດພາງາມ ຊາຍຮູບຊາມວິຊາພາຮຸ່ງ
- ຫນັກໃຫ້ຊ່ວຍກັນຫາບ ຫຍາບໃຫ້ຊ່ວຍກັນດຶງ
- ນ້ຳມາປາກິນມົດ ນ້ຳລົດມົດກິນປາ
- ທຸກເພີ່ນບໍ່ວ່າດີ ມີເພີ່ນຈຶ່ງວ່າພີ່ນ້ອງ ລຸງປ້າຈຶ່ງວ່າຫລານ
- ຫມັ່ນເທື່ອດຽວຫລັງຫ້ານ ຄ້ານເທື່ອດຽວຫລັງຫັກ
- ໄມ້ລຳດຽວຍັງຕ່າງປ້ອງ ພີ່ນ້ອງຍັງຕ່າງຈິດຕ່າງໃຈ
- ຍາມກິນບໍ່ຮຽກ ຍາມວຽກພັດເອີ້ນໃຊ້ (ເຈັບໃຈເດ)
- ເອີ້ນກິນແລ່ນໃສ່ ເອີ້ນໃຊ້ພັດແລ່ນຫນີ (ອັນນີ້ກະບໍ່ດີ)
- ຜູ້ກິນກິນພໍຮາກ ຜູ້ຢາກຢາກພໍຕາຍ
- ບໍ່ກິນຜັກບໍ່ມີອີ່ມທ້ອງ ບໍ່ເອົາພີ່ນ້ອງມັນບໍ່ເປັນຄົນ
(ມື້ນີ້ຄິດໄດ້ທໍ່ນີ້...ເຈີກັນໃຫມ່ສະບັບຫນ້າ
ຖ້າໃຜມີກໍແບ່ງແນ່ເນີ!)
ອະທິບາຍຄຳສຸພາສິດພ້ອມເດີ
ReplyDeleteຂ້ອຍກະວ່າຕືກັນ
ReplyDeleteຂ້ອຍກະວ່າຕືກັນ
ReplyDeleteຂ້ອຍກະວ່າຕືກັນ
ReplyDeleteຂອບໃຈ ສຳລັບຄຳຄົມໆແບບນີ້
ReplyDeleteຄັກຫລາຍ
ReplyDeleteຮຮຮຮ
ReplyDeleteບຸນຄຸນພໍ່ທໍ່ພູເຂົາກ້າບຸນຄຸນແມ່ທໍ່ຟ້າກັບດິນ
ReplyDeleteຕົກໝູ່ແຮັງເປັນແຮ້ງ ຕົກໝູ່ກາເປັນກາ
ReplyDeleteຢາກຮູ້ໃຫ້ຖາມ ຢາກງາມໃແຕ່ງ
ReplyDelete