- ສອງຮັກຈຶ່ງເປັນດອງ ສອງປອງຈຶ່ງເປັນຊູ້ ສອງຮູ້ຈຶ່ງເປັນຜົວເປັນເມຍ
- ອາຫານແຊບເມື່ອຢາກ ຂອງກິນແຊບຂຶ້ນກັບຜູ້ມັກ
- ເງິນຄໍາຫາໄດ້ ນໍ້າໃຈຫາຍາກ
- ຄັບທີ່ຢູ່ໄດ້ ຄັບໃຈຢູ່ຍາກ
- ນໍ້າສະຫມຸດເລິກແລະກວ້າງເຊືອກຢັ່ງກໍ່ຍັງເຖິງ ບາດວ່າໃຈຄົນນີ້ຢັ່ງບໍ່ຖ່ອງເຖິງໄດ້
- ໄມ້ແກ່ກາຍຍາມເບັດ ເຫັດແກ່ກາຍຍາມແກງ
- ການຮ້ອງໄຫ້ເປັນກໍາລັງຂອງເດັກ ອາກາດເປັນກໍາລັງຂອງນົກ...ນໍ້າເປັນກໍາລັງຂອງປາ ປວງປະຊາເປັນກໍາລັງຂອງຊາດ
- ອ້ອຍຕານຫວານລີ້ນແລ້ວສິ້ນຊາກ ແຕ່ລົມປາກຫວານຫູບໍ່ຮູ້ຫາຍ
- ຟັງດ້ວຍດີ ດ້ວຍຄວາມເຄົາລົບຍ່ອມເກີດປັນຍາ
- ຢ່າໄດ້ຕິດຕາມກົ້ນນໍາຄົນທ້ອງຍຶ່ງ ມັນສິຕົດໃສ່ເຈົ້າໃຫ້ດັງວື້ປື່ງເຫມັນແທ້ດາຍ........
- ຢ່າໄດ້ຂຶງຂັງຫນ້າວາຈາເວົ້າອົ່ງ ຝູງພີ່ນ້ອງພົງເຊື້ອສິພາກັນເຫີນຫ່າງ
- ເກີດເປັນຄົນໃຫ້ຮຽນຄວາມຮູ້ ເປັນຄົນປູ້ເຂົາບໍ່ຢໍາ ບໍ່ຮູ້ຂາວຮູ້ດໍາ (ບາບ ບຸນ ຄຸນ ໂທດ) ເຂົາບໍ່ເກງບໍ່ຢ້ານ
- ຍິງເກີດມາເພື່ອສືບສາຍ ຊາຍເກີດມາເພື່ອສືບຊາດ ຢ່າຄິດເວວາດໄປທາງບໍ່ດີ
- ມີວິຊາຄວາມຮູ້ ແຕ່ຂາດສົມບັດຜູ້ດີກໍ່ໃຊ້ການບໍ່ໄດ້
- ການເວົ້າ ການຂຽນພາສາທີ່ຖືກຕ້ອງ ເປັນເຄື່ອງຫມາຍຂອງຜູ້ມີວັດທະນະທໍາສູງ
- ເຮັດນໍາຜູ້ຕໍ່າເຂົາຈ່ອງລົງ ເຮັດນໍາຜູ້ສູງເຂົາດຶງຂຶ້ນ
- ຂຶ້ນພູສູງຈຶ່ງເຫັນທົ່ງກວ້າງ.........ວ່າຊັ້ນໄດ໋!!
- ຜົນທັງຫລາຍເກີດມາຈາກເຫດ ມີເຫດຈຶ່ງມີຜົນ
- ຜູ້ຍິງມີຄວາມອາຍ ຮູ້ຈັກສະງ່ຽມຈຽມຕົວຈຶ່ງງາມ
- ຜູ້ຊາຍມີຄວາມຮູ້ ຄວາມສາມາດກໍ່ງາມເຫມືອນກັນ
- ...........................
Thursday, August 16, 2012
ຄວນຈື່ຈຳ
Subscribe to:
Post Comments (Atom)
No comments:
Post a Comment