ຄົນເຮົາເກີດມາລ້ວນຕ່າງກັນ ບາງຄົນລວຍບາງຄົນຈົນ ບາງຄົນງາມບາງຄົນບໍ່ງາມ
ບາງຄົນອາຍຸສັ້ນບາງຄົນອາຍຸຍາວ ບາງຄົນມີອຳນາດບາງຄົນໄຮ້ອຳນາດ ບາງຄົນມີປັນຍາຫລາຍ
ບາງຄົນມີປັນຍາຫນ້ອຍ...ເຊິ່ງສິ່ງເຫລົ່ານີ້ເຮົາເອງເປັນຜູ້ເຮັດທັງນັ້ນ ບໍ່ມີໃຜເຮັດໃຫ້ເຮົາດອກ
ໃນສາສະຫນາພຸດ ພະພຸດທະເຈົ້າສອນໄວ້ວ່າ ສັດໂລກຍ່ອມເປັນໄປຕາມກັມ (ກໍາ) ເຊິ່ງ
ກໍ່ຫມາຍເຖິງເຮົາເປັນຢ່າງທີ່ເຮົາຄິດ ເຮົາເຮັດ ເຮົາເຮັດແນວໃດໄດ້ແນວນັ້ນ ເຮັດດີໄດ້ດີເຮັດຊົ່ວໄດ້ຊົ່ວ
ເວລາເທົ່ານັ້ນເປັນເຄື່ອງພິສູດ......
ກັມຂອງຄົນ
- ອາຍຸສັ້ນຍ້ອນຂ້າສັດຫລາຍ
- ອາຍຸຍືນຍ້ອນງົດເວັ້ນຈາກການຂ້າສັດ
- ມີໂຣຄາພະຍາດຫລາຍຍ້ອນບຽດບຽນສັດ
- ມີໂຣຄາພະຍາດນ້ອຍຍ້ອນງົດເວັ້ນຈາກການທໍລະມານສັດ
- ຜິວພັນບໍ່ງາມຍ້ອນມີຄວາມຄຽດແຄ້ນພະຍາບາດ
- ຜິວພັນງາມຍ້ອນບໍ່ມີຄວາມຄຽດແຄ້ນພະຍາບາດ
- ບໍ່ມີອຳນາດຍ້ອນມີຄວາມອິດສາລິດສະຫຍາຜູ້ອື່ນ
- ມີອຳນາດຫລາຍຍ້ອນບໍ່ມີໃຈອິດສາຄົນອື່ນ
- ຖານະຍາກຈົນຍ້ອນບໍ່ໃຫ້ທານ
- ຖານະຮັ່ງມີຍ້ອນໄດ້ບໍລິຈາກທານ
- ເກີດໃນສະກຸນຕ່ຳຍ້ອນຖືຕົວແລະດູຖູກຄົນອື່ນ
- ເກີດໃນສະກຸນສູງຍ້ອນບໍ່ດູຖູກຢຽບຫຍາມຄົນອື່ນ
- ມີປັນຍານ້ອຍຍ້ອນບໍ່ມັກຂົນຂວາຍຫາຄວາມຮູ້
- ມີປັນຍາຫລາຍຍ້ອນມັກຂົນຂວາຍຫາຄວາມຮູ້ຢູ່ສະເຫມີ....
No comments:
Post a Comment