ອັນຮ້າຍກວາດຫນີ ໆ ອັນດີອັນງາມກວາດເຂົ້າ ໆ
ຂວັນເຈົ້າໃຫ້ລັ່ງເຂົ້າມາໂຮມ
ເອີ! ຊັ້ນແຫລ້ວ ຝ້າຍດ່ອນຕາງຄຳຝ້າຍດຳຕາງແກ້ວ
ຕົກແຕ່ງແລ້ວຈຶ່ງນຳມາຜູກແຂນ
ຜູກແຂນຊ້າຍໃຫ້ຂວັນເຈົ້າມາ ຜູກແຂນຂວາໃຫ້ຂວັນເຈົ້າຢູ່
ໃຫ້ເຈົ້າຢູ່ດີກິນແຊບ ຢູ່ແຈບກິນເຢັນ
ໃຫ້ເຈົ້າເປັນຄົນຮູ້ຜູ້ດີ ນັບແຕ່ນີ້ເມືອຫນ້າ
ໃຫ້ເຈົ້າມີຄວາມສຸກຄວາມຈະເລີນ ຢູ່ສຸກສະຫວັດດີ
ຄວາມເຈັບຢ່າໄດ້ຄວາມໄຂ້ຢ່າມີ ຮ່ຳຮຽນໃຫ້ເຈົ້າເກັ່ງເສັງໃຫ້ເຈົ້າໄດ້
ໃຫ້ເຈົ້າເປັນຜູ້ກ້າເປັນຫົວຫນ້ານາຍຄົນ
ຄິດມຸ່ງມາດປາຖະຫນາອັນໃດໃຫ້ໄດ້ມາ ຫາອັນໃດໃຫ້ໄດ້
ຄິດເງິນໃຫ້ໄດ້ເງິນຄິດຄຳໃຫ້ໄດ້ຄຳ ການງານໃຫ້ກ້າວຫນ້າການສຶກສາໃຫ້ເຮືອງຮຸ່ງ
ໃຫ້ພໍ່ແມ່ປ້າລຸງໄດ້ເພິ່ງພາຍາມຊະລາເຖົ້າແກ່
ຂໍໃຫ້ເຈົ້າໄດ້ຕອບບຸນແທນຄຸນດູແລພໍ່ແມ່ເຈົ້າຍາມເພິ່ນເຖົ້າແກ່ຊະລາ ແດ່ທ້ອນ!!
ອາຍຸ ວັນນະ ສຸຂະ ພະລະ ຫມັ້ນຍືນ ໆ
ດິນບ່ອນໃດມີເຮືອນເສົາ ຄົນເປົ່າແຄນ ແຫ້ນເຂົ້າຫນຽວ ຄ້ຽວປາແດກ ບ່ອນນັ້ນແມ່ນຄົນລາວພີ່ນ້ອງເອີຍ ໆ
ReplyDelete