ຄວາມຝັນ ຄວາມໝາຍຂອງຊີວິດຄືຫຍັງ?

ຂ້ອຍເຊື່ອວ່າທຸກຄົນລ້ວນມີຄວາມຝັນ ແລະຂ້ອຍກໍ່ເປັນໜຶ່ງໃນນັ້ນ... ບາງຄົນ...ມີຄວາມຝັນຫຼາຍຈົນບໍ່ຮູ້ວ່າ  ຈະເຮັດຄວາມຝັນອັນໃດໃຫ້ກາຍເປັນຈິງກ່ອນ ຄວາມຝັນເຫຼົ່ານັ້ນຈຶ່ງເປັນໄດ້ພຽງແຕ່ “ຝັນກາງວັນ“ ບາງຄົນ... ຄິດວ່າຝັນນັ້ນໄກເກີນ ຈຶ່ງຍອມປ່ອຍຝັນນັ້ນໃຫ້ຫຼຸດລອຍໄປ  ທັ້ງໆທີ່ຍັງບໍ່ລອງພະຍາຍາມເລີຍຈັກເທື່ອ... ບາງຄົນ...ລົງມືຕາມຫາຄວາມຝັນໃຫ້ກາຍເປັນຈິງ ແຕ່ກໍ່ເລີກລົ້ມກາງທາງ  ເພາະຂາດກຳລັງໃຈ ທໍ້ໃຈ ແລະພະລັງແຫ່ງຄວາມຝັນໝົດລົງ ມີພຽງຄົນກຸ່ມນ້ອຍຈຳນວນໜຶ່ງ ທີ່ສາມາດເຮັດຄວາມຝັນໃຫ້ກາຍເປັນຈິງ  ພວກເຂົາບອກເຄັດລັບວ່າ  ສິ່ງທີ່ຈະເຮັດໃຫ້ຝັນເປັນຄວາມຈິງຂື້ນມາໄດ້ນັ້ນຄື  ຄວາມອົດທົນ ແລະຄວາມພະຍາຍາມ ທີ່ຫຼາຍລົ້ນ... ຂ້ອຍຈຶ່ງແຂວນຄວາມຝັນໄວ້ບ່ອນທີ່ ຂ້ອຍເບິ່ງເຫັນງ່າຍ  ເພື່ອວ່າມື້ໜຶ່ງຂ້ອຍເຜີເຮັດຄວາມຝັນນັ້ນຫາຍໄປຈະໄດ້ຮີບຄວ້າໄວ້ໃຫ້ທັນ... ເພາະຂ້ອຍນັ້ນຢາກເປັນຄົນໜຶ່ງ   ໃນຄົນກຸ່ມນ້ອຍທີ່ສານຝັນໃຫ້ກາຍເປັນຈິງເຖິງວ່າຈະຕ້ອງເມື່ອຍກໍ່ຕາມ ໆ