ບຸນປີໃຫມ່ລາວ
ນິທານ: ແຕ່ກ່ອນມີເສດຖີຜົວເມຍຄູ່ຫນຶ່ງ
ປຸກເຮືອນຢູ່ໃກ້ກັບຄົນຂີ້ເຫລົ້າເຊິ່ງມີລູກສອງຄົນທີ່ມີຮູບຮ່າງງາມ
ມື້ຫນຶ່ງຄົນຂີ້ເມົານີ້ເຂົ້າໄປເຮືອນຂອງເສດຖີ ແລະໄດ້ກ່າວຄຳຕິສິນນິນທາຕ່າງໆ
ທ່ານເສດຖີກໍ່ບໍ່ພໍໃຈເລີຍຕອບໄປວ່າເຈົ້ານີ້ກິນເຫລົ້າເມົາແລ້ວ
ເປັນຫຍັງຈຶ່ງມາອາລະວາດແຖວນີ້ ແມ່ນແຕ່ຂ້ອຍຜູ້ມີຊັບສົມບັດມະຫາສານເຈົ້າກໍ່ຍັງມາຫມີ່ນປະຫມາດ.
ຊາຍຂີ້ເມົາກໍ່ຕອບໄປວ່າທ່ານມີຊັບສົມບັດມະຫາສານກໍ່ບໍ່ສຳຄັນເພາະທ່ານຍັງບໍ່ມີລູກຊາຍສືບຕະກຸນ
ຕາຍໄປແລ້ວສົມບັດຂອງທ່ານກໍ່ເອົາໄປບໍ່ໄດ້
ສ່ວນຂ້າພະເຈົ້າມີລູກແລ້ວຈຶ່ງຖືໄດ້ວ່າປະເສີດກ່ວາທ່ານ.
ເມື່ອເສດຖີໄດ້ຟັງກໍ່ຕໍ່າຄ້ອຍນ້ອຍໃຈ
ຈຶ່ງຕັດສິນໃຈໄປອ້ອນວອນຂໍລູກໂດຍການໄປໄຫວ້ດວງຈັນແລະດວງອາທິດເຖິງສາມປີກໍ່ບໍ່ສຳເລັດ
ຢູ່ມາມື້ຫນຶ່ງເປັນວັນນັກຂັດຕະລຶກສົງການ
ດວງອາທິດເຄື່ອນຍ້າຍຈາກລາສີມິນໄປສູ່ລາສີເມດທ່ານເສດຖີພ້ອມດ້ວຍບໍລິວານ
ກໍ່ເດີນທາງໄປສູ່ຕົ້ນໄຊໃຫຍ່ຕົ້ນຫນຶ່ງເພື່ອອ້ອນວອນຂໍລູກຕັ້ງຈິດອະຖິຖານວ່າຂໍໃຫ້ໄດ້ລູກຜູ້ທີ່ປະເສີດ
ເຈົ້າພໍ່ຕົ້ນໄຊເກີດຄວາມສົງສານຈຶ່ງເຫາະຂຶ້ນໄປໄຫວ້ພຣະອິນ ໆຈຶ່ງແຕ່ງໃຫ້ ທຳມະປາລະເທບພະບຸດ
ລົງມາເກີດເປັນລູກຊາຍຂອງເສດຖີໄດ້ຊື່ວ່າ ທຳມະບານກຸມມານ
ທ່ານເສດຖີຮັກລູກຄົນນີ້ຫລາຍຈຶ່ງສ້າງເຮືອນເຈັດຊັ້ນໃຫ້ຢູ່ໃກ້ກັບຕົ້ນໄມ້ໃຫຍ່ຮີມຝັ່ງແມ່ນໍ້າແຫ່ງຫນຶ່ງເຊິ່ງມີຝູງນົກອາໄສຢູ່ຢ່າງຫລວງຫລາຍ
ຈຶ່ງເຮັດໃຫ້ທຳມະບານກຸມມານຮຽນຮູ້ພາສານົກເປັນຢ່າງດີ
ແລະເມື່ອອາຍຸເຈັດປີກໍ່ຮຽນຈົບໄຕເພດ(ຄຳພີພາມ).
ຊາວໂລກໃນຍຸກນັ້ນນັບຖືທ້າວມະຫາກະບິນລະພົມ
ເຊິ່ງເປັນອາຈານຫນຶ່ງທີ່ມີຊື່ສຽງສອນມຸງຄຸນໃຫ້ຄົນທັງຫລາຍ
ເມື່ອໄດ້ຮູ້ວ່າທຳມະບານກຸມມານກໍ່ເປັນນັກປາດຜູ້ຫນຶ່ງຈຶ່ງໄດ້ລົງມາຖາມບັນຫາເພື່ອທີ່ຈະເອົາຊະນະ
ກ່ອນຖາມກໍ່ມີສັນຍາໄວ້ວ່າຫາກໃຜແພ້ຈະຖືກຕັດຫົວ ຜູ້ທີ່ຊະນະກໍ່ຈະຫລອດ.
ບັນຫາມີສາມຂໍ້ຄື:
1. ຕອນເຊົ້າລາສີຂອງຄົນຢູ່ໃສ?
2. ຕອນສວຍລາສີຂອງຄົນຢູ່ໃສ?
3. ຕອນແລງລາສີຂອງຄົນຢູ່ໃສ?
ໂດຍໃຫ້ເວລາເຈັດວັນ
ຫົກວັນຜ່ານໄປທຳມະບານກໍ່ຍັງຄິດບໍ່ອອກຈຶ່ງຕັດສິນໃຈຫນີເຂົ້າປ່າແລະບັງເອີນໄປນັ່ງພັກຢູ່ກ້ອງຕົ້ນໄມ້ໃຫຍ່ຕົ້ນຫນຶ່ງ
ເລີຍໄດ້ຍິນນົກອິນຊີຜົວເມຍລົມກັນວ່າ:
ເມຍຖາມ: ມື້ອື່ນເຮົາຊິໄດ້ຫຍັງກິນເປັນອາຫານ? ຜົວຕອບວ່າ:
ມື້ອື່ນເຮົາຊິໄດ້ຊີ້ນຄົນກິນເປັນອາຫານ. ເຊິ່ງຈະເປັນຊາກສົບຂອງທ້າວທຳມະບານກຸມມານທີ່ແກ້ບັນຫາຂອງກະບິນລະພົມບໍ່ໄດ້
ຈຶ່ງຈະຖຶກຕັດຄໍໃນມື້ອື່ນ ເມື່ອຟັງແລ້ວນາງເມຍນົກກໍ່ຍິ່ງສົງໃສຈຶ່ງຖາມຜົວວ່າ
ບັນຫານັ້ນວ່າແນວໃດ, ແລ້ວເຈົ້ຮູ້ບໍ? ອື່ມ!!! ຮູ້ຜົວກໍ່ເລີຍຕອບວ່າ: ຕອນເຊົ້າລາສີຂອງຄົນຢູ່ຫນ້າ
ຄົນຈຶ່ງເອົານໍ້າລ້າງຫນ້າໃນຕອນເຊົ້າ, ຕອນສວຍລາສີຂອງຄົນຢູ່ເອິກ
ຄົນຈຶ່ງມັກເອົານໍ້າລູບເອິກ ແລະຕອນຄໍ່າລາສີຂອງຄົນຢູ່ທີ່ຕີນ
ຄົນຈຶ່ງມັກເອົານໍ້າລ້າງຕີນ (ກ່ອນນອນ).
ເມື່ອທຳມະບານກຸມມານໄດ້ຟັງກໍ່ຈື່ຈຳໄວ້ແລະເອົາໄປຕອບທ້າວກະບິນລະພົມໃນວັນທີ່ເຈັດ
ຜົນອອກມາທຳມະບານກຸມມານຖືກລາງວັນທີ່ຫນຶ່ງ ອຸ້ຍ!!! ບໍ່ກ່ຽວເລີຍ,
ທຳມະບານກຸມມານຕອບຖືກ. ທ້າວກະບິນລະພົມກໍ່ຍອມຕັດຫົວຂອງຕົວເອງຕາມທີ່ໄດ້ຕົກລົງກັນໄວ້ ແຕ່ຫົວຂອງກະບິນລະພົມນັ້ນມີລິດເດດແລະສັກສິດຫລາຍ
ຖ້າຕົກລົງພື້ນດິນຈະເກີດໄຟໄຫມ້ໂລກທັນທີ,
ຖ້າໂຍ້ນຂື້ນໄປເທິງອາກາດຝົນກໍ່ຈະບໍ່ຕົກຖືກຕ້ອງຕາມລະດູການ,
ແລະຖ້າຈະຖິ້ມລົງໃນມະຫາສະມຸດນໍ້າໃນມະຫາສະມຸດກໍ່ຈະແຫ້ງ,
ຈຶ່ງບອກລູກສາວທັງເຈັດໃຫ້ເອົາພານມາຮອງຮັບເອົາ ແລະສັ່ງໃຫ້ລູກສາວທັງເຈັດເອົາຫົວຂອງພໍ່ນັ້ນໄປແຫ່ອ້ອມເຂົາພຣະສຸເມນ 60ນາທີ
ແລ້ວຈຶ່ງເອົາໄປປະດິດສະຖານໄວ້ທີ່ພູເຂົາໄກລາດຄັນຮອດຂວບປີໃດ
ກໍ່ໃຫ້ລູກສາວທັງເຈັດຄົນນັ້ນປ່ຽນກັນເອົາຫົວຂອງພໍ່ອອກມາແຫ່ອ້ອມເຂົາພຣະສຸເມນ 60ນາທີ ແລ້ວກໍ່ເອົາໄປປະດິດສະຖານໄວ້ທີ່ເດີມ.
ຄວາມຮູ້ຈາກເລື່ງ: ພົມມີສີ່ຫນ້າຄື: ພົມວິຫານສີ່
ເມດຕາ: ຄວາມຮັກ.
ກະລຸນາ: ຄວາມສົງສານ. ມຸທິຕາ: ຄວາມຍິນດີ. ອຸເປກຂາ: ຄວາມວາງເສີຍ.
No comments:
Post a Comment