- ຜູ້ເຖົ້າເມົານຳໄຮ່ຫລານບໍ່ຢາກຫົວຊາ
- ຜູ້ເຖົ້າເມົານຳນາຫລານບໍ່ຢາກຢຳຢ້ານ
- ຜູ້ເຖົ້າຂີ້ຄ້ານຫລານບໍ່ຢາກຢຳແຢງ
- ຜູ້ເຖົ້າປາກແດງຫລານບໍ່ຢາກເຂົ້າໃກ້
- ຜູ້ເຖົ້າຈິດໃຈຮ້ອນຫລານບໍ່ຢາກເຫັນ
- ຜູ້ເຖົ້າຈິດໃຈເຢັນຫລານກໍ່ບໍ່ຢາກພໍ້
- ຜູ້ເຖົ້າຂີ້ສໍ້ຫລານບໍ່ຢາກຫລຽວແລ
- ຜູ້ເຖົ້າຕໍແຫລຫລານບໍ່ຢາກລົມພໍຄວາມ
- ຜູ້ເຖົ້າມັກເຂົ້າສ້ວມຫລານນີ້ກໍ່ຊັງ
- ......ເພິ່ນວ່າ ຝຸງຄົນເຖົ້າຖ້າບໍ່ເຮັດຕາມຄອງມັນບໍ່ຄ່ອງ
ເຂົາສິດູຫມິ່ນຫນ້າຈາເວົ້າກ່າວຂວັນ ເຂົາສິພາກັນທ້ວງຕິຕຽນທັງໂລກ
ເຂົາສິວ່າເຖົ້າແກ່ແດດບໍ່ຫລຽວເບິ່ງທາງຕົມ ເຂົາສິວ່າເຖົ້າແກ່ລົມບໍ່ຫລຽວເບິ່ງນ້ຳ
ເຂົາສິກຳດິນຜຶກໃສ່ໂຮຍຮຳຫນ້າ ... ສະນັ້ນ ຄັນວ່າເປັນຄົນເຖົ້າກໍ່ຕ້ອງຮູ້ຮີດຮູ້ຄອງ
ໃຫ້ເຂົ້າວັດຟັງທຳຈຳສິນ ພາວະນາ ໃຈບຸນເວົ້າມ່ວນ ຮັກລູກຮັກຫລານ
ແລ້ວຫລູກຫລານຈະຮັກແລະເຄົາລົບເອງ...
.....................................
.................
No comments:
Post a Comment