ຕຶກແຫຫວັງເອົາປາ ເຮັດນາຫວັງເອົາເຂົ້າ
ຟັນໂພນໄວ້ປູກຖົ່ວ ເອົາຜົວເອົາເມຍ
ຫັວງຢາກໄດ້ລູກເຕົ້າແທນເຊື້ອສືບແນວ
ສອນວ່າ: ສິເຮັດຫຍັງກໍ່ຕ້ອງມີເປົ້າຫມາຍ
ເຮັດນາກໍ່ຫວັງເອົາເຂົ້າ ຮຽນຫນັງສືກໍ່ເພື່ອ
ຢາກໄດ້ຄວາມຮູ້ ໆລໆ
**************
ທົນກິນເຂົ້າກັບເກືອໄປກ່ອນສາຫລ້າ
ປາແດກມີກະໃຫ້ຈ້ຳພໍພໍ້ອ່ອມປາ
ອົດສາສ້າງອົດອອມໄປກ່ອນສາ
ທຸກມື້ນີ້ມື້ຫນ້າສິຊຸ່ມເຢັນ
ສອນວ່າ: ໃຫ້ອົດໃຫ້ທົນ ມີຫຍັງກະກິນໄປກ່ອນ
ເພື່ອໃຫ້ມີຊີວິດສູ້ຕໍ່ໄປ ຖ້າເຮົາສູ້ບໍ່ທໍ້ຖອຍ
ວັນຫນຶ່ງເຮົາກໍ່ຕ້ອງໄດ້ດີແນ່ນອນ ໆລໆ
*************
ຮຽມນີ້ເປັນຜູ້ນ້ອຍສະຕິລອຍມັນບໍ່ຄ່ຽມ
ຈຽມປາກຈຽມວາດໄວ້ຍາມພັ້ງກະຫາກມີ
ລາງເທື່ອໂມໂຫຫຸ້ມໂມໂຫບັງບຽດ
ປາກບໍ່ສົມວາດເວົ້າຊຸມເຈົ້າຢ່າຊູຖືເດີ
ສອນວ່າ: ຂ້ອຍຖ່ອມຕົນແລ້ວ ບໍ່ໄດ້ໂອ້ອວດ
ຄວາມຮູ້ກໍ່ນ້ອຍ ດ້ອຍປະສົບການ
ແຕ່ມີບາງເທື່ອອາດພັ້ງເຜີຜິດພາດໄປ
ຂໍໃຫ້ອາໄພໃຫ້ແດ່ ຢ່າຖືສາຂ້ອຍເລີຍ ໆລໆ
***************
No comments:
Post a Comment